الدليل الوجيز لاقتصاد البهريز

7 Jun

المدونة ده انا بكتبها من غلبي بصراحة وبقا عدوي الاول سمير “غضبان” لانه واضح انه خريج معهد “سكلم” لا اكثر ولا اقل اما يطلع يقترض من البنك الدولي 3.5 مليار دولار يعني نضرب ده في الفايدة 1.5% يعني تقريبا 6 مليار دولار يعني قيمة 35مليار جنيه طيب يعني الحكومة مزنوقة في 3 مليار دولار مش يبقى عندها شوية فهم وخطة للمرحلة المقبلة وتضرب عصفورين بحجر يعني تبدا تطبيق العدالة الاجتماعية وتغني نفسها عن انها تشحت ملاليم من برة طبعا حتيجو تقولو ازاي؟

ازاي : واحدة واحدة

اولا- لما يبقى عندنا الدعم للحيتان ومصانعهم اللي بتوزع على العمال ملاليم 200 جنيه وهما بيكسبو مليارات كل سنة مش يبقى غلط وقصدي هنا الغاء دعم الطاقة للمصانع واللي بيوصل تقريبا ل34 مليار جنيه يعني لو الحكومة وقعت بشخطة قلم على القرار ده يبقى خلصنا واحد حيقولي صعبة حقوله ماشي

ثانيا- تعديل اسعار الغاز واللي حتوفرلنا بتاع 18 مليار دولار يعني 106 مليار جنيه مصري صافي الربحية ولا تلغي دعم ولا بطيخ ولا تشحت حتقولي صعبة ماشي

ثالثا- الحد الادنى والاعلى للاجور وده لو بقى الحد الادني 1200 (حتقولي من فيننننن؟) حقولك نحط معاه حد اعلى واللي بياخد بالملايين شهريا ياخد 10الاف جنيه وبالتالي حنوفر 180 مليار جنيه حتقولي صعبة حقولك…. برضو ماشي

رابعا- وده اسهل حل لو الحكومة مش عاوزة تعمل اصلاح محوري وعاوزة تاخد فلوس وتصرف وخلاص وناوية تعد زي قلتها لا امن ولا انجازات ولا حتى بطيخ ان اجمالي الودائع في البنوك المصرية بلغ تريليون جنيه اه (يعني 1000 مليار جنيه) ده جوة مصر وارصدة البنوك المصرية في الخارج 5 مليار جنيه ممكن الحكومة تستلف اللي عاوزاه بسقف ائتماني عاليييييييييييي وتسدد براحتها ولا شروط تعجيزية ولا بطيخ

اخيرا احب اقولكم اني طالب علوم ومليش في الاقتصاد ولا فتحت مراجع اقتصادية اللهم نقصت  3 درجات في الرياضيات انما سمير رضوان بقا الله يجحمه دارس وفاهم بس بيحب يفخد وده ..واضح في حكومة شرف + ربهم الاعلى مجلس القلل

حاجة تخلي الواحد يغلي وينزل عريان في الشارع … حكومة لم تصل لسن المراهقة

Advertisements

2 Responses to “الدليل الوجيز لاقتصاد البهريز”

  1. amr27may June 7, 2011 at 5:36 pm #

    أنا بفكر بالمنطق و معنديش معلومات مالية و لا إقتصادية و لا بتنجان

    سمير رضوان كان فى حكومة شفيق اللى ععينها مبارك صح و لا لأ
    الثورة جت تشيل و تجيب بشرعية جديدة
    ليه بقى فضل هموت و أعرف

    هوا فيه كام وزير كان لازم يفضلوا .. و من النوع اللى ” تقولهم اعملوا كده يعملو كده ” … ” صلوا الضهر 10 ركعات نصلى ”

    صنف الحزب الواطى
    ..
    المجلس كان عاوز كده عشان يدارى على حاجات كتيرة مالية

    قلى إزاى فى أمهم مفيش ملفات مالية تدين الفساد بتوع اللى فاتوا
    ..

    ده أولا
    أنا و الأمانة و الشهادة لله مشفتلوش غير لقاء بيتهتة و ينحنح فيه ..
    مع عمرو الليثى
    مش مشكلة التهتهه أنا بتهته
    بس ده قاعد بيحور و يخترع و يقولك مش عارف و مقدرش أقولك و
    و مقدرش أوعدك

    طب معلش تعالى هنا جمبى ع القهوة و سيب الوضع لحد يقدر يكلم و يفهم

    أحا يا جدعان أمال أمى اللى تعرف


    ثالثا موتونا على إنهم يحددوا الحد الأدنى للأجور من غير حد أقصى لإجراءات بيروقراطية انا متفهم ده…

    بس فيها إيه الحكومة تطرح مشروع إقتصادى بجدول زمنى تصاعدى ولو حتى هيتنفز بعد 5 سنين
    بس يبقى هيكل عام محترم نمشى عليه
    يحدد الأجور الأدنى و الأقصى

    و نشتغل بجد ..
    right on

  2. mohamedezeldin June 7, 2011 at 6:02 pm #

    وادي دليل تاني حد شوقه في حاجة تانية من الحكومة ده؟

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: