Tag Archives: SCAF

على جنب يا سطا !!

22 May

لما الواحد بيبقى راكب اتوبيس غلط ويعرف انه موديه محطة مش محطته اول حاجة بيعملها بيفكر الاوتوبيس ده حيوديه فين وهل ده ينفع يوصله وبعدين لو لقاه مش نافع في التوصيلة بيقوله على جنب يا سطا ولو الاسطى مسمعش حيعلي صوته ويقوله تاني على جنب يا سطا ولو سمع ومنفذش حنقوله على جنب يا $%^&* انت حمار

المهم ده مقدمة موضوعي وانا حخش فيه عدل لما المجلس جه وقالنا  ده معناه انه كان معترض على التحرير وقالنا انا حعملكم مطالبكم بس بما معناه امشو يعني تم ممارسة الضغوط على التحرير مناول كنتاكي لحد المجلس الاعلى اللي اصبح من المتحولون خلال بيانين بس وده اولهم

وده البيان 3

طيب السؤال مدام بقا هما اعترفو بما يرتضيه الشعب وانحازو له منحازوش ومعملوش تحية للشهداء من اول بيان ليه؟؟؟ ليه البيان ال3 الجواب هو ببساطة تمثيلية متفصلة ومكتوب سيناريو الحلقة ال3 يعني لو كنا سيبنا الميدان مكناش حنشوف التحية يعني القوات المسلحة منحازتش للشعب اساسا والتمثيلية كانت لعبة لفض الميدان مش اكتر و المهم والاكتر اهمية ان الجيش مضربش نار مش عشان اوامر العظيم طنطاوي لا ده عشان الظباط رفضو وهو خاف من انقسام ضده حتقولولي ازاي حقولكم واحدة واحدة شوفو ده

المهم اصلا المجند ده مش حيعرف اذا كان في اوامر ضرب النار على الشعب الا اذا حصلها تمرير من القائد الاعلى ورئيس الاركان والاهم بقا اديكو شفتو مين اللي رفض المجندين وكان معاهم ظباط برضك يعني حصل تمرير اوامر وتم عصيانها وادي تمثيلية انحياز قيادات الجيش للشعب ولو ان المجندين والظباط بس هما اللي انحازو وهما السبب في قطع ايد العسكر ولو كان حد لاحظ لما نزل الجيش اول مرة كان حرس جمهوري وحاول يضرب نار واللي يقول ان الجيش لو كان عاوز يضرب وكان حيدمرنا حقوله ميقدرش لان الشعب اقوى وشوف ده

والمهم دلوقتي انا قصدي من كل ده نفهم ان المجلس مش بيحمي حد غير نفسه وحاول يفض التحرير كل الايام اللي فاتت ده ايام مبارك ومقدرش بس عرف يمثل علينا ويطلعنا في دور البطولة ويحيد كل الائتلافات والقوى الوطنية وغيره والمطلوب ان محدش حيدافع عن الثورة ده غير الشعب المصري بنفسه مش حد تاني وعشان اختم الجزئية ده حوريم فيديو لان واضح فيه ان اللي بيعمله المجلس ضد الشعب ولو كان مؤيد للثورة صح كان ساب الظباط دول مع الشعب وخلاص لكن واضح من موقف الظباط ان قيادات المؤسسة العسكرية على ناحية والثورة في ناحية والا مكنش ده حصل شوفو ده

والمهم دلوقتي واحد يسالني يقولي عاوز تولع البلد حقوله في كلامي كله كان عن وقائع وسبت للي يشوفها الحكم ولا بحرض ولا بقول للناس انزلو تبنو الكفاح المسح كل اللي بقوله عسكر مبارك مش احسن منه ولا اوفى للثورة من الشعب ولا حتى بيحمو الشعب لان اللي بيحمي الشعب مش بيعمل ده فيه مش بيقتحم التحرير يوم 9 ابريل مش بيعتقل 5000 متظاهر في التحرير مش بيعمل للبنات المعتصمين كشوفات عذرية ومش بيطلع قانون لتجريم التظاهر وحق العمال والاهم اذا كان الجيش منحاز للثورة ليه بيقبض على اللي نزل من الظباط ينحاز ليها

————————————————————–

تعالو نفسر كده كام موضوع في الاستخبس حصل من بعد التنحي: يامسهل

واحد : اعتقال الجيش للثوار وفض ميدان التحرير من الثوار بكذا اسلوب مع انه مؤيد الشرعية الثورية بس اعتراضه على سد الطرق والاعتصام؟؟!؟ مش هو الاعتصام هو اللي وقع حسني وحينفذ مطالبنا طيب جرى ايه اشمعنا ممنوع على المسلم والمسيحي والبهائي ومتساب للسلفي ادام الكاتدرائية لحد ما ولعت الدنيا وبدل ما ينزل شرطة تتعامل صح والجيش معاها يتحرك قرر يتفرج 4 ساعات قبل التدخل وادام السفارة امر الشرطة بالتدخل بقوة مع ضرب رصاص حي من الجيش وده معناه ان تم تسخير موارد مصر لقمع الثورة في التحرير وده فيديو اللي حصل ادام السفارة

——————————————

اتنين : طبعا شئ مهم ان الثورة لا تقتصر على التحرير او مظاهرات واعتصامات وبس المهم انها تبقى في كل مصنع ومدرسة ووزارة وكل حتة في مصر وده اللي المجلس المفروض يعمله بس مبيعملهوش طيب العمال قالو ناخد الراية ونعملها احنا راح مطلع قانون تجريم الاعتصامات وقال نص مليون جنيه الضريبة طيب بدماغك مجلس هل كنا حنطلب منك حاجة لو انا معايا نص مليون جنيه؟؟!؟ ما علينا طيب ليه تحرم العمال من حقهم في البلد وتدي الشرطة حقها ده حتى العمال عاوزين يلغو الخصخصة وبيطلبو زيادة رواتب والجيش مشكور زود رواتب ظباط الجيش والشرطة طيب جيش وماشي شرطة؟؟؟ هما الشرطة بيعملو ايه في البلد عشان نزود رواتبهم وحملة على التلفزيون بيعشمونا في الشرطة ويخلونا نبوس رجلهم عامة شوفو الشرطة اللي نزلت بتعمل ايه

——————————————

ثالثا : الاخوان والجيش موضوع غريب وكان الاخوان بقو عمي مش بيشوفو الانتهاكات بتاعت الجيش اللي بتحصل وقرروا يايدو المجلس تايد كامل بدون حتى انتقاد ادارة المرحلة عامة متفرقش معايا لانهم فصيل بيدور على ارباح ومش عاوز ياجل الانتخابات وانا شايف ان من مصلحته انها متتاجلش عشان باقي الاحزاب متعرفش تدخل وده سبب عدم مشاركتهم معانا يوم الجمعه مع ان مطلبنا الاول هو مجلس رئاسي وطول عمر الاخوان بيتحالفو مع العسكر ويلبسو خازوق ويلبسو المصريين معاهم

——————————————

رابعا : وده الاهم بقا وفككم من كل اللي بيحصل مجموعة لواءات المجلس الاعلى للقوات المسلحة اللي اصلا كلهم رجال اعمال بعد الظهر وده سبب عدم تحبيذهم للاعتصامات العمالية لانهم بيملكوا 440 مليار جنيه من الاقتصاد المصري المعفي من الضرائب وطبعا ده ليه مصالح مشتركة مع مؤسسة الرئاسة ولا داعي الحديث عن ابن المشير طنطاوي في المصرية للاتصالات لما كان رئسها واستقال من كام يوم بس والاهم في موضوع الاعتصامات ده ان طلعت فزاعة الاقتصاد والاحتياطي الاجنبي الفارغة واللي صدقها الشعب الغلبان بس واضح انهم صدقوها بس جابت نتيجة عكسية وهي ان مدام الاقتصاد حينهار طيب نجيب مجلس مدني احسن فراح المجلس شغل حملة عكسية بتقول الاقتصاد زي الفل وطبعا ده في بداية حملة الفزاعة الاقتصادية وطبعا بعد ما ابتدت الناس تتحرك ده كان رد المجلس الاحتياطي زي ما هو والبورصة شغالة الله اكبر وطبعا ازمة السولار في البلد مش جديدة ده بتحصل كل سنة ومحدش اهبل عنها واخيرا شوفو كلام المستشار ده وانت تعرفو ان اللعبة عشان يدمرو الثورة بس للاسف ده زاد من كره الناس للعسكر

——————————————

خامسا : حرية الصحافة اللي المجلس دوشنا بيها من الاخر كده مفيش حرية صحافة

وعشان عم اسماعيل عتمان ميفكرناش واكلين داتورة بس بصو على ده كده؟ يمكن مش واخد بالي انا ؟

قمع حرية الصحافة

قمع حرية الصحافة

——————————————

سادسا واخيرا يا معلم طنطاوي ومجلس القلل بتاعك الشعب مبقاش يخاف من اقتصاد ولا امن ولا اي حاجة عبيطة من الكلام ده بالاضافة موضوع العجلة بتاعت الانتاج مبقاش ذو اهمية وكل محاولات صرف عينا عن الثورة فشلت ؟؟ وانت الصراحة فاشل لان الشعب المصري الحقيقي عايش تحت ام خط الفقر وعايش بدون ام الامن والامان وكمان بيفهم موضوع الفتنة الطائفية الماصخ بتاعك ده وانت فضحت نفسك ومبارك فضحك كمان ليه بقا عشان يا معلم طنطاوي الفقر وده مبارك عيشنا فيه 30 سنة والامن واصلا مكنش بيبقى موجود ايام حسني الا في المظاهرات عشان كده لما نزلنا لجان شعبية مفيش دبانة عدت لاننا عايشين طول عمرنا في لجان شعبية وفقر وفتنة طائفية مفتعلة بمشكلات الفقر ومع شوية اعلام قذر تولع المهم بقا ان في حاجة اسمها انترنت وشوفنا الجيش فضل واقف في كل مواضيع الفتنة مع الشرطة بيفرجوا ويستنو الناس تموت ويبدا الجيش يدخل المهم رصيد ام المجلس بقا بالسالب ومفيش 3 جنيه سلف ونصيحة مني ليك نزل الامن المركزي لان احنا عاملينله مفاجاة ومتنساش وانت بتنزلة يا تنزل معاه حد يسنده زي الشرطة العسكرية وال777 يا تسحبهم لانهم حيتنفخو والنصيحة الاهم البسو كتاشي لان البيادات مبتنفعش للجري واخيرا اهداء لظباط الامن المركزي اللي ناويين ينزلو واي حد حينضملهم +18

——————————————

وعشان اختم مش ناسين ظباط التحرير ولا شهداء الثورة ولا ال5000 معتقل ولا كشوفات العذرية ولا مايكل نبيل سند ولا رامي فخري ولا خالد سعيد ولينا عند حسني 1000 طار بعد المليون ودلوقتي بقا لينا طار معاك يا مجلس القلل امشو قبل يوم 27 مايو لان الشعب مش ناوي يسيبكم قاعدين فيها

وده كان فيديو من طارق شلبي لما اتقبض عليهم ادام السفارة

وده فيديو لشهادات عن كشوفات العذرية


ثورة الغضب الثانية…..عشان محستش بالتغيير

وحقول للمجلس … على جنب ياسطا وانزل الشعب مش ناوي ينزل

قالك….اديها

17 May

امبارح طلع علينا المشير (العظيم) وقالنا الانفلاق الامني مش سببه الشرطة ….. طيب يا سيادة المشير الطنطاوي احنا قبل الثورة كنت فاكر عندنا ناس لابسة حاجات سودة وبنسميهم “شرطة” حتى الدليل كان بيقولك زمان “الشطة والشعب في خدمة حسني” معلش اصلي انا صريح المهم لو جينا نبص حنلاقي ان اللي اسمهم الشرطة دول سابو الشارع وفضل الشعب مع نفسه وبيقول “ابحث مع الشعب عن الشرطة” المهم طبعا انا متاكد ان الشرطة مش سبب الانفلات ده هية اللي كانت الانفلات بحد ذاته يا اخ طنطاوي العظيم والدليل اهو: خد

المهم يا معلم طنطاوي احنا اصلا قلنا ندي الشرطة فرصة بس واضح ديل الكلب عمره مايتعدل : خد شوف ده

ماشي طيب يا عم طنطاوي انت قلت مثيري الفتنة مابين الشعب والجيش حنطلع عين ابوهم ولا رافة ولا رحمة ايه رايك في كشوفات العذرية وال5000 معتقل في السجون العسكرية بعد تنحي المخلوع المهم يا سيادة المشير الطنطاوي بصراحة بقا لقد نفذ رصيدكم تماما ومفيش 3 جنيه سلف كمان لاننا صبرنا 100 يوم واكتر وانتو قلتو بنحمي الثورة طيب بعد 100 يوم يا طنطاوي تيجي تقولي حدي سوزان افراج ببساطة (ايه سفن ايه) محنا اصلي اتعودنا ناكل الداتورة بس شبعنا بقنا ناكل الكشري المصري من ايام التحرير عشان كده فقنا فمن الاخر يا عم طنطاوي ازمات السولار والعيش والغاز كل ده لعب قديم استعمله واحد اسمه نابليون بونابرت لما احاط باريس بالعشوائيات اللي كانت بتنزل تقمع ثورة الطبقة البرجوازية فبالطريقة ده كل اللي افهمه من حاضرتك انك ببساطة بتجهض الثورة وبتكره الشعب المصري الفقير فيها لكن للاسف من قلد غيره بلا تفكير هلك لان مصر اللي قام بالثورة مش الطبقة البرجوازية ولا مدينة نصر ولا كفر عبده هااا اللي قام بيها بولاق وشبرا واللي ولعها بتوع النت الشباب السيس اللي زينا كده المهم اوعى تكون صدقت ان مينفعش ننزل ليههه؟ عشان مستخدمين النت بقو دلوقتي زايدين 5 مليون واحد تقريبا يعني كل اللي نزل جاب نت ومبقتش صعبة ننزل تاني الا لو اتقطع النت لا سمح الله هاااا؟ (اخر واحد قطعه في شرم وانت بتحميه) المهم برضك مش ده قضيتي قضيتي ان لما سيادتك طلعت قلت ان جالنا اوامر بضرب النار رفضت يعني انت طالع على التلفزيون للشعب والشرطة بتقولهم ايوة انا شاهد اني حسني قالي اضرب يا مشير طيب مستني ايه بقا ؟؟؟!؟!؟

يا عم المشير ارحل بقا…. مش شخصنة ولا حاجة والله بس اثبت عدم قدرتك على حكم مصر …كفاية قوي عليك كده ….عاوزين مجلس رئاسي مدني

وطلب كمان يا طنطا رجع سوزان السجن لانه طرة مش بعيد على حد في مصر ده حسني دخل…قرمط ..اعتبر الرسالة وصلت ..واياك خطاب حسني ينزل انا بقولك اهو وانا بقولك كده عشان مصلحتك والله مش عاوز منصب ولا حاجة غير …ان المجلس يتنيل يرحل. انا غلس صح

والمدنية…هي الحل

يوم 27 نازلين ومش ماشين الا لما نفذ مطالبنا واولها…مجلس رئاسي مدني

لينك الايفينت…27 مايو…عشان الثورة مكملتش…ومطالبنا متحققتش

وده لينك الصفحة …بس اوعى تقفلها لحسن ننزل قبل 27 مايو

ياجيش لم نفسك بقا لحسن نطلع $%^& اهلك انا وانا بكتب عن سوزان لسة طلعلي زكريا عزمي بجد

A7A

ابل ما امشي مفيش قصيدة بتنتهي وهي بتقول اديها …عيب اوي يا عم عيسوي

لا للمحاكمات العسكرية ولا لحكم العسكر اللي مش حيخلص!!!

12 May

لما طلع علينا المجلس الموقر وقالنا مش عاوز امسك البلد قلنا قشطة وقلنا الحرية لا مفر منها قلنا اشطتين ولما قال انا اؤيد المطالب المشروعة ومش حاذي الثوار قلنا باااس مصر خلصت والحمدلله لكن واضح ان احنا لسة حنبدا بصراحة طبعا كله حيسال حنبدا ايه حقوله حنبدا صراعنا ضد حكم الخرى العسكر وعندما اقصد العسكر لا اقصد الجيش المصري العظيم اللي رفض ضرب النار اقصد المجلس العسكري ببساطة كده وعلى المفتشر ناس بتقول انتوا عاوزين البلد تولع حقولك لا احنا عاوزين نخلص من اللي حيولعها وبالدليل واللي عنده دليل غير كده يقولي

اولا اعتقال 5000 متظاهر من بعد التنحي

———————————————–

ثانيا تعذيب الثوار اهو

———————————————–

ثالثا التضيق على حريات الاعلام والانترنت

وده اللقاء كامل وتابعو باقي الاجزاء

وده خبر مفرح للثوار عشان الصحة بس

تعديل قانوني يمنح السلطة لرئيس الجمهورية بعد موافقة مجلس الوزراء في قطع الاتصالات

———————————————–

رابعا اتهام الثوار بالعمالة مع لقاء اللواء عتمان مع بثينة كامل

———————————————–

خامسا ترك المجال للفتنة الطائفية وعدم التدخل لالهاء الشعب فيها عن مطالب الثورة

———————————————–

سادسا عدم محاكمة رموز النظام القديم والدليل البوست ده

واللستة تطووووووللللل

———————————————–

سابعا عودة امن الدولة المفقود منذ 25 يناير انا معاكم ان المفروض يتقبض على محدثي الفقتنة بس تبقى كده ؟؟

———————————————–

انما العلاج فهو بسيط الثورة المصرية التانية ولا تحبو نصبر شوية لما نقف ادام المحاكم العسكرية بتهمة الاخلال بالنظام؟؟!؟

لكل الناس اللي مفكرة ان الثورة خلصت ونبني حنبني ازاي واحنا بنتبهدل حبني ازاي وانا عارف لو قلت راي حتسجن حبني ازاي وانا عارف ان اخويا معتقل حبني ازاي وانا مصاب ومحدش عالجني حبني ازاي وانا مش باخد راتب يليق بيا اللي المحكمة قالت ده حقي حبني ازاي محد يفهمني طيب ؟؟؟؟

الثورة مستمرة…. ومخلصتش طول ما النظام قائم والثورة الان ضد المجلس العسكري قائد الفلول